ფასდაკლებები და საჩუქრები

14 სექტემბერს, ნოდარ დუმბაძის სახელობის მოზარდ მაყურებელთა სახელმწიფო თეატრი 90-ე საიუბილეო სეზონს გახსნის.

ნოდარ დუმბაძის გარდაცვალების დღეს, დიდ სცენაზე გაიმართება მწერლის ნაწარმოებების მიხედვით დადგმული სპექტაკლი „მე, ბებია, ბაბუა და ჭინკები“, რეჟისორი გიორგი თავაძე. დასაწყისი: 19:00 საათზე.თეატრის ფოიეში წარმოდგენილი იქნება  ნოდარ დუმბაძის შემოქმედებისადმი მიძღვნილი ფოტოგამოფენა.

საიუბილეო სეზონის განმავლობაში მოზარდ მაყურებელთა თეატრი მომხმარებელს სიახლეს სთავაზობს - მათ ასაკობრივი კატეგორიის მიხედვით დაყოფილი აბონემენტების შეძენის და წარმოდგენების არჩევის შესაძლებლობა ექნებათ. ცეროდენა ( 2-10 წლამდე), მეგობარი (11-15 წლამდე) და თეატრალი (15 წლიდან) - თითოეული კატეგორიის აბონემენტი მომხმარებელს ოთხი ან ნაკლები სპექტაკლის არჩევის შესაძლებლობას აძლევს.

ისიამოვნეთ ახალი სეზონით და დააგროვეთ უნიქარდის 1 ქულა ყოველ 10 ლარზე.